Tuesday, December 19, 2006

ഫീച്ചറിന്റെ മറ്റ് ഭാഗങ്ങള്‍...


പാര്‍പ്പിടം(മലയാള മനോരമ ) ഫീച്ചര്‍


മലയാള മനോരമയുടെ , പാര്‍പ്പിടം ഫീച്ചര്‍ ചെയ്ത ലേഖനത്തിന്റെ ചില ഭാഗങ്ങള്‍..

Friday, October 27, 2006

വാസ്തു : വീടിന്റെ ഗുണദോഷങ്ങള്‍ സ്വയം കണ്ടുപിടിക്കാം.

പണിയാന്‍ പോവുന്ന വീടിന് , വാസ്തുശാ‍സ്ത്രപ്രകാരം ദോഷങ്ങളെന്തെങ്കിലുമുണ്ടോയെന്ന് സ്വയം കണ്ടുപിടിക്കാവുന്നതേയുള്ളു. ആയം,വ്യയം,ൠക്ഷ,യോനി,വാരം,തിഥി എന്നീ ഘടകങ്ങള്‍ അനുകൂലമാണോ എന്നു പരിശോധിക്കുകവഴി ഇത് സാധ്യമാകും.

1. ആയം

വീടിന്റെ നീളത്തെ , 8 കൊണ്ട് ഗുണിക്കുകയും 12 കൊണ്ട് ഹരിക്കുകയും ചെയ്താല്‍ ശിഷ്ടം വരുന്നതാണ് ആയം.

ശിഷ്ടം - ഫലം

0- ദൈവീക കാര്യങ്ങള്‍ക്ക് ഉത്തമം
1- ദാരിദ്ര്യം
2- ഭാര്യക്ക് രോഗം
3- സമ്പത്ത് വര്‍ദ്ധിക്കും
4- ജീവിത വിജയം
5- സന്തോഷവും,സൌഖ്യവും
6- ആഗ്രഹങ്ങള്‍ സഫലമാവും
7- ആത്മീയ കാര്യങ്ങളില്‍ താല്പര്യം
8- നല്ല കാര്യങ്ങള്‍ അനുഭവിക്കും
9- ധാരാളം ധനം സമ്പാദിക്കും
10- ധാരാളം സ്വര്‍ ണ്ണം വാങ്ങാന്‍ ഇടവരും
11 - കീര്‍ത്തിയുണ്ടാവും

2. വ്യയം

വീടിന്റെ വീതിയേ 9 കൊണ്ട് ഗുണിച്ച് 10 കൊണ്ട് ഹരിക്കുമ്പോള്‍ ശിഷ്ടം വരുന്നതിനേയാണ് വ്യയം എന്നുപറയുന്നത്.

ശിഷ്ടം - ഫലം

0 - സന്തോഷം
1- പ്രവൃത്തിവിജയം
2- ജീവിത വിജയം
3 -ശരാശരി
4 -സുഖജീവിതം
5- ശത്രു വിജയം
6 -കണ്ണിനു തകരാര്‍
7- ധാരാളം ധനം
8- സദാ സന്തോഷം
9 -ധാരാളം നല്ല സുഹൃത്തുക്കള്‍

3. ൠഷ

നീളത്തെ 8 കൊണ്ട് ഗുണിച്ച് 27 കൊണ്ട് ഹരിക്കുമ്പോള്‍ ശിഷ്ടം വരുന്നതിനേയാണ് ൠഷ അല്ലെങ്കില്‍ നക്ഷത്രം എന്നു പറയുന്നത്.ഒറ്റ നക്ഷത്രങ്ങള്‍ ശുഭസൂചകവും ഇരട്ടകള്‍ അശുഭസൂചകവുമാണ്.

4. യോനി

വീതിയേ 3 കൊണ്ട് ഗുണിച്ച് 8 കൊണ്ട് ഹരിച്ചാ‍ല്‍ ശിഷ്ടം വരുന്നതാണ് യോനി.വീട് ഏതു ദിക്കിന് അഭിമുഖമായിരിക്കണം എന്നതാണ് ഇതുകൊണ്ട് സൂചിപ്പിക്കുന്നത്.

ശിഷ്ടം - യോനി - ദിക്ക്

0 - കാക - വടക്കു കിഴക്ക്
1 - ധ്വജ - കിഴക്ക്
2 - ധൂമ - തെക്കു കിഴക്ക്
3 - സിംഹ - തെക്ക്
4 - ശ്വാന - തെക്കു പടിഞ്ഞാറ്
5 - വൃഷഭ - പടിഞ്ഞാറ്
6 - ഖര - വടക്കു പടിഞ്ഞാറ്
7 - ഗജ - വടക്ക്

5. വാരം


ചുറ്റളവിനെ 9 കൊണ്ട് ഗുണിച്ച് 7 കൊണ്ട് ഹരിക്കുമ്പോള്‍ ശിഷ്ടം വരുന്നതാണ് വാരം. വീടിന്റെ പണി എന്നുതുടങ്ങണം എന്നതിനെയാണിത് സൂചിപ്പിക്കുന്നത്.

ശിഷ്ടം - വാരം- ഫലം

0 - ശനി - അനുകൂലമല്ല

1 - ഞായര്‍ - അനുകൂലമല്ല

2 - തിങ്കള്‍ - അനുകൂലം

3 - ചൊവ്വ - അനുകൂലമല്ല

4 - ബുധന്‍ - അനുകൂലം

5 - വ്യാഴം - അനുകൂലം

6 - വെള്ളി - അനുകൂലം


6. തിഥി

ചുറ്റളവിനെ 9 കൊണ്ട് ഗുണിച്ച് 30 കൊണ്ട് ഹരിച്ചാല്‍ ശിഷ്ടം വരുന്നത് തിഥി.വീടു പണിതുടങ്ങാന്‍ നല്ല തിഥിയേതെന്ന് ഇതില്‍നിന്നുമനസ്സിലാക്കാം.

ശിഷ്ടം - ദിനം - ഫലം

1- പ്രഥമ - അനുകൂലമല്ല

2- ദ്വിതീയ - അനുകൂലം

3 - ത്രിതീയ - അനുകൂലം

4 - ചതുര്‍ഥി - അനുകൂലമല്ല

5 - പഞ്ചമി - അനുകൂലം

6 - ഷഷ്ഠി - ശരാശരി

7- സപ്തമി - അനുകൂലം

8 - അഷ്ടമി - അനുകൂലമല്ല

9 - നവമി - അനുകൂലമല്ല

10 - ദശമി - അനുകൂലം

11-ഏകാദശി - അനുകൂലമല്ല

12 - ദ്വാദശി - അനുകൂലം

13 - ത്രയോദശി - അനുകൂലം

14 - ചതുര്‍ദശി - അനുകൂലമല്ല

15 - അമാവാസി - അനുകൂലമല്ല

Tuesday, October 24, 2006

വാസ്തു : കുന്നിന്‍ ചെരുവിലേയും, പുഴയോരത്തേയും വീടുകള്‍

(1) വീടു പണിയാന്‍ കുന്നുകള്‍ തെരഞ്ഞെടുക്കുമ്പോള്‍ കിഴക്കോട്ടോ, വടക്കോട്ടോ ചരിവുള്ള സ്ഥലമാണ് നല്ലത്.

(2) പുഴയോരത്താണ് പണിയുന്നതെങ്കില്‍, പുഴയുടെ തെക്കോ,പടിഞ്ഞാറോ ഭാഗത്തായിരിക്കണം ഭൂമി.

(3) ഉദ്യാനത്തിലെ താമരക്കുളം, വീടിന്റെ വടക്കു ഭാഗത്തായിരിക്കണം.

(4) മൂലയിലുള്ള പ്ലോട്ടുകള്‍ തെരഞ്ഞെടുക്കുമ്പോള്‍, തെക്കു-കിഴക്ക്, വടക്കു-പടിഞ്ഞാറ്,
തെക്ക്-പടിഞ്ഞാറ് ഭാഗത്തുള്ളവ ഒഴിവാക്കുക.

(5) പ്ലോട്ടിലേക്കുള്ള റോഡുകള്‍,വടക്കു-കിഴക്കിന്റെ വടക്കുനിന്നും, വടക്കു-കിഴക്കിന്റെ
കിഴക്കുനിന്നും ആണ് വരുന്നതെങ്കില്‍ ഉത്തമം.

Monday, October 23, 2006

വാസ്തു : സ്ഥലം തെരഞ്ഞടുക്കുമ്പോള്‍

ചോദ്യം: സ്ഥലംതെരഞ്ഞടുക്കുമ്പോള്‍ശ്രദ്ധിക്കേണ്ടകാര്യങ്ങള്‍എന്തൊക്കെയാണ് ?
ഉത്തരം :
ചതുരമോ, ദീര്‍ഘ ചതുരമോ ആയ സ്ഥലമാണുത്തമം. നീളവും വീതിയും തമ്മിലുള്ള അനുപാതം 1 : 1.25 ആയാല്‍ ഏറ്റവും നല്ലത്. വടക്കോട്ടും, കിഴക്കോട്ടും ചരിഞ്ഞ സ്ഥലങ്ങള്‍ ഉത്തമം.അവ ആരോഗ്യവും, സമ്പത്തും, ജീവിത വിജയവും നല്‍കും. നിങ്ങള്‍ക്കുള്ളസ്ഥലത്തിനടുത്ത് പുതിയ മറ്റൊന്നാണ് വാങ്ങാന്‍ ഉദ്ദേശിക്കുന്നതെങ്കില്‍ അത് വടക്കോ,കിഴക്കോ,വടക്കുകിഴക്കൊ ആണെങ്കില്‍ അത്യുത്തമം. രണ്ടു വലിയ പ്ലോട്ടുകള്‍ക്കിടയിലെ ചെറിയ പ്ലോട്ട് വാങ്ങരുത്. അത് ആരോഗ്യവും.സന്തോഷവും ഇല്ലാതാക്കും. മത,പൊതു സ്ഥപനങ്ങള്‍ക്കു സമീപവും സ്ഥലം വാങ്ങുന്നത് നല്ലതല്ല.

Friday, October 20, 2006

ഭവനനിര്‍മ്മാണവും വാസ്തുശാസ്ത്രവും.

ഭവനനിര്‍മ്മാണം വാസ്തുശാസ്ത്രപ്രകാരം വേണമോ എന്നത് ഒരു വിവാദ വിഷയമാണ്. ഈ കുറിപ്പ് അതേക്കുറിച്ചല്ല.പാരമ്പര്യമായി, ഇതേക്കുറിച്ച് എനിക്കുലഭിച്ച അറിവുകള്‍ ഇവിടെ പങ്കുവയ്കുവാന്‍ ആഗ്രഹിയ്ക്കുന്നു.ഇതു വായിയ്കുവാന്‍ ആളുണ്ടാവുമോ ആവോ ?

Thursday, October 19, 2006

മരപ്പണിക്കായി ഒരു മികച്ച സര്‍ക്കാര്‍ സ്ഥാപനം

മരപ്പണിക്കായി ഒരു മികച്ച സര്‍ക്കാര്‍ സ്ഥാപനമുണ്ട്.മേല്‍വിലാസം ഇതാ :
FOREST INDUSTRIES TRAVANCORE LTD , THAIKKATTUKARA ,
ALWAYE 683106 Ph: 0484-2623643
1995 മുതല്‍ എനിക്കിവരെ പരിചയമുണ്ട്.മരത്തിന്റെയോ,പണിയുടേയോ Quality യില്‍ യാതൊരു തട്ടിപ്പുമില്ലിവിടെ. മിതമായ വിലയ്ക്ക് ,നല്ല സാധനങ്ങള്‍ ലഭിയ്ക്കും.ഒരു വീടിനാവശ്യമായ മുഴുവന്‍ മര ഉരുപ്പിടികളും (കട്ടിള, ജനാലകള്‍, ഫര്‍ണീച്ചര്‍ എന്നുവേണ്ട എന്തും) ലഭ്യമാണ്. Architect വരച്ചുതരുന്ന മരസാധനങ്ങളുടെ പ്ലാനുമായി അവിടെ ചെന്നാല്‍ മതി. പാതി പണം advance ആയി നല്‍കണം. നല്ല സമയ നിഷ്ടയുമണ്ട്. ഈ ലിങ്ക് നോക്കുക.
http://www.keralaforest.org/html/marketing/fti.htm

വീടു പണിക്കായി മരം വാങ്ങുന്നതിന് മുമ്പ്..

വീടുപണിക്ക് ഒഴിവാക്കാന്‍ പറ്റാത്ത ഒന്നാണ് മരം.വീട്ടുവളപ്പില്‍ നിന്ന് വെട്ടിയെടുക്കാന്‍ മരമുണ്ടായിരുന്ന കാല‍ത്ത് നമുക്കാര്‍ക്കും വേവലാതിയേ ഉണ്ടായിരുന്നില്ല. ആ കാലമൊക്കെ മറഞ്ഞു കഴിഞ്ഞു. ഈര്‍ച്ചമില്ലിലെ മരം ഇനിയും തീരാത്തതുകൊണ്ട് തല്‍ക്കാലം ഭയപ്പെടേണ്ട. കാമറൂണില്‍ നിന്നും മലേഷ്യയില്‍ നിന്നും ഇപ്പോഴും മരം എത്തുന്നുണ്ട്. ന്യായമായ വിലയേയുള്ളു. 150 ഇഞ്ചിനുമേല്‍ വണ്ണമുള്ളവയായതു കൊണ്ട് Waste തീരെ കുറവുമാണ്. 1995 മുതല്‍ ഞാന്‍ ഇവ ഉപയോഗിക്കുന്നുണ്ട്. വലിയ കുഴപ്പമൊന്നും ഇതുവരെ കണ്ടിട്ടില്ല. ഇനി ഇവയുടെ വിലവിവരം നല്‍കാം.

1. പിന്‍കോഡ ( ചെറു തേക്ക്) - 150” നുമേല്‍- Rs 890/Cu.ft.
2. വയലറ്റ് ( Purple Heart) - 150" നു മേല്‍- Rs 875/Cu.ft
3. വേങ്ങ (Mercoba) - 150" നു മേല്‍ -Rs 890/Cu.ft.
4. നാടന്‍ ആഞ്ഞിലി - 60” - Rs 585/Cu.ft.
5. നാടന്‍ പ്ലാവ് - 60” - Rs 700/Cu.ft
6. നാടന്‍ തേക്ക് - 40” - Rs 950/Cu.Ft.
7. കൂപ്പ് തേക്ക് - 60” - Rs 1900/Cu.Ft.
8. ഈര്‍ച്ചക്കുലി - Rs 18- Rs 30 /Cu.Ft.

വീടുകളില്‍ നിന്ന് പലരും മരം നേരിട്ട് വാങ്ങാറുണ്ട്. പരിചയമില്ലാത്തവര്‍ ഇതിനു പോകാതിരിക്കുകയാണു നല്ലത്. കബളിപ്പിക്കപ്പെടാന്‍ നല്ല സാധ്യതയുണ്ട്.

Wednesday, October 18, 2006

വീടുപണിയുടെ ചെലവുകളേപ്പറ്റിയല്പം...

തൊടുപുഴയില്‍ ലഭിക്കുന്ന നിര്‍മ്മാണ സാമിഗ്രികളുടെ വിലയേപ്പറ്റി(October 2006 -ലെ) പറയാം.കേരളത്തിന്റെ മറ്റു ഭാഗങ്ങളിലും വിലയില്‍ വലിയ മാറ്റം വരാന്‍ സാധ്യതയില്ല.
1. കമ്പി - Rs 28 per Kg for Branded
2. മണല്‍ - Rs 4600 for 180 Cu.Ft(one Load) (കിട്ടാന്‍ വലിയ പ്രയാസമാണ്)
3. സിമന്റ് - Rs 220 (1 packet)
4. ഇഷ്ടിക - Rs 3.50 (21 x 10 x 7 cm)
5. വെട്ടുകല്ല് - Rs 9.50
6. സിമെന്റിഷ്ടിക - Rs 14 ( 12 x 8 x 6 inches)
7. ആശാരി (കല്ല്,മരം) - Rs 250
8. സഹായി - Rs 175
ഇടത്തരം പണിക്ക്, ഒരു ച.അടിക്ക് 1050 രൂപയോളം ചെലവു വരും. 1800 ച.അടി area ഉള്ള ഒരു വീടിന് ഏതാണ്ട് 19 ലക്ഷം രൂപാ വേണമെന്ന് സാരം.

Tuesday, October 17, 2006

വീട് സ്വയം ഡിസൈന്‍‌ ചെയ്താല്‍...

വീട് സ്വയം ഡിസൈന്‍‌ ചെയ്താല്‍ എന്താ കുഴപ്പം എന്ന് പലരും ചോദിക്കാറുണ്ട്.ഇതിന്റെ ഉത്തരം ആപേക്ഷികമാണ്.
നന്നായി അറിയാമെങ്കില്‍ ചെയ്യാം.എന്നാല്‍ മിടുക്കനായ ഒരു വാസ്തുശില്പിയുടെ സഹായം ഉണ്ടെങ്കില്‍‌ കാര്യങ്ങള്‍ വളരെ എളുപ്പമാകും.അവരുടെ അറിവും പരിചയവും നമുക്ക് ഗുണമേ ചെയ്യൂ.കുറെ മുറികള്‍ കൂടിച്ചേരുന്നതു മാത്രമല്ല വീട്.അതിനൊരു താളവും ലയവും ഉണ്ട്.വിവിധ മുറികളുടെ വിന്യാസത്തില്‍ ഒരു സംഗീതമുണ്ട്.അത് നിങ്ങള്‍ക്കായി കണ്ടെത്തിത്തരാന്‍ അനുഭവപരിചയമുള്ള ഒരു വാസ്തുശില്പിക്ക് കഴിയും.അങ്ങിനെ ചെയ്യുന്നതാണ് നല്ലത്.

വീടിന്റെ തീം

അതെ..വീടിനൊരു തീം(theme) വേണം.Design,interior,landscaping എല്ലാം ഈ തീമിന്റെ അടിസ്ഥാനത്തില്‍ വേണം ചെയ്യാന്‍‌.തുടക്കം മുതല്‍‌ ഈ രീതിയില്‍ ആയാല്‍ പകുതി തലവേദന കുറയും.
ഒരിയ്ക്കല്‍ തീം തീരുമാനിച്ചു കഴിഞ്ഞാല്‍ ആ രീതിയിലുള്ള വീടുകള്‍ ധാരാളമായി കാണണം.മാസികകളില്‍ വരുന്ന ചിത്രങ്ങള്‍
collect ചെയ്യണം.വീട്ടുകാര്‍‌ എല്ലാവരും കൂടി ചര്‍ച്ച ചെയ്യണം.മെല്ലെ മെല്ലെ നമുക്കു വേണ്ട വീട് രൂപം പ്രാപിക്കുന്നതു കാണാം.ഇതിനാണ് Home Work എന്നു പറയുക.കുറഞ്ഞത് 6 മാസമെങ്കിലും ഇതിനു വേണം.അതിനു ശേഷം മാത്രമേ
ആര്‍ക്കിട്ട്ക്റ്റിനേ കാണാന്‍ പോകാവൂ.ഇത് രണ്ടുകൂട്ടര്‍‌ക്കും ഏറെ ഗുണം ചെയ്യും.

ആര്‍ക്കിറ്റ്ടെക്ടിനെ തിരഞ്ഞെടുക്കാന്‍...

ആര്‍ക്കിറ്റ്ടെക്ടിനെ തിരഞ്ഞെടുക്കുമ്പോള്‍ അദ്ദേഹത്തിന്റെ കഴിവ്,മുന്‍‌ പരിചയം,ജോലിയോടുള്ള commitment
എന്നിവയെല്ലാം നോക്കണം.പലരും കയ്യിലുള്ള ഒരു പ്ലാ‍ന്‍ ചെറിയ മാറ്റം വരുത്തി കാശു വാങ്ങുകയാണു പതിവ്.
Clients വേണ്ടത്ര Home Work ചെയ്യാതെയാണു പോകുന്നതെങ്കില്‍ പെട്ടുപോയെതു തന്നെ.ചിത്രത്തില്‍ കാണുന്ന
എന്റെ വീട് ഒരു വര്‍ഷം കൊണ്ടാണ് വരച്ചത്.എന്റെ മനസ്സിലുള്ള വീടിന്റെ ആശയം അദ്ദേഹത്തെ ധരിപ്പിക്കാന്‍‌
2-3 സിറ്റിങുകള്‍ വേണ്ടി വന്നു.
പിന്നെ പലതവണ അദ്ദേഹം plan മാറ്റി വരച്ചു....until I am fully satisfied.ഇത്രയൊന്നും ഒരു ആര്‍ക്കിറ്റ്ടെക്ടും ചെയ്തു തന്നെന്നുവരുകയില്ല(ആരും പിണങ്ങണ്ടേ!!.ഇതെന്റെ അനുഭവമാണ്).
ഇനി എന്റെ ആര്‍ക്കിറ്റ്ടെക്റ്റ് ആരാണന്നു പറയാം.
Mr.Sebastian Jose,Architect,Thevara,Cochin (09847032049)

Monday, October 16, 2006

തറ വിശേഷം..

ഞാന്‍‌ Laminated Wooden Flooring ആണ് ഉപയോഗിച്ചത്.വില 125/-ച.അടിയ്ക്. തടി 90/- രൂപ മുതല്‍‌ കിട്ടും.തേയ്മാനം കൂടുതലാണന്നു മാത്രം.5 കമ്പനിക‍ള്‍ കൊച്ചിയില്‍‌ ഉണ്ട്.
7 വര്‍‌ഷം ഗ്യാരണ്ടി ഉണ്ട്.കമ്പനിക‍ളുടെ വിലാസം എന്റെ ഡയറിയില്‍‌ കാണും.ഇന്നു college ഉണ്ട്.ഒന്നും ഇതുവരെ prepare ചെയ്തിട്ടില്ല.പിള്ളേര്‍ എന്ത് വിചാരിക്കും ? ബാക്കി നാളെ..

ഈ ബ്ലോ‍ഗ് എന്തിനാണ് ?

ഇവിടെ എന്റെ experiences പങ്കുവയ്കാമെന്നു കരുതുന്നു.
ഇനി വീടു പണിയുന്നവര്‍‌ക്ക് ഉപകാരമാകും..

അല്‍‌പ്പം ചരിത്രം..

(ഇടത്തരക്കാരന്‍ സാധാരണ പറയുന്ന ഈ പൊങ്ങച്ചം ക്ഷമിക്കുക)
പുതിയ വീടുകള്‍‌ പണിയുക എന്റെ ഒരു Hobby ആണ്.ചിത്രത്തില്‍ കാണുന്നത് ‍ എന്റെ രണ്ടാമ ത്തേ വീടാണ്.
2200 ച.അടി ആണ് ഇതിന്റ വിസ്തീര്‍‌ണം.ഈ അടുത്ത നാള്‍ ഇത് Asianet Dream Home-ല്‍
വന്നിരുന്നു.മലയാളം എഴുതാന്‍‌ ഞാന്‍‌ പഠിക്കുന്നതേയുള്ളു.അതു കൊണ്ട് ബാക്കി പിന്നെ ഏഴുതാം.

Sunday, October 15, 2006

വീടു പുരാണം...

വീടു പുരാണം കേട്ടു മടുത്തവര്‍ ഇതു വായിക്കണമെന്നില്ല...